ವಿದಾಯ

ಅರಿವಿಲ್ಲದೆ ಹನಿ ಜಾರುತಿಹುದು
ದನಿಯಿಲ್ಲದೆ ಮನ ಬಿಕ್ಕಳಿಸುತಲಿಹುದು
ದೂರವಾಗುವ ದಿನ ಇಂದೇ ಏಕೆ ಬಂದಿಹುದು

ಅಲೆಮಾರಿ ಜೀವನದಲಿ ಊರ ಸೆಲೆ ತಂದವರು 
ತೆಲುಗಿನ ನಡುವೆ ಮತ್ತೆ ತುಳು ಹೊತ್ತು ಬಂದವರು
ಮತ್ತೆ ಭೇಟಿ ಯಾಗುವೆ ಎನ್ನುತ್ತಾ ಮತ್ತೆ ಇಂದು ದೂರ ಸರಿಯುತಿರುವರು,

ಕಳೆದ ಒಂದು ವರುಷದ ಹಲವು ಹರುಷಕೆ ಕಾರಣರಾದವರು
ಇಂದು ಕಣ್ಣೊಳು ಕಂಬನಿ ಬಿರಿಯುತ್ತ ಹೊಸ್ತಿಲಲಿ ನಿಂತಿಹರು
ಒಳಗೆ ಮನ ಅಳುತ್ತಿದ್ದರು ಮುಗುಳ್ನಗೆ ಬೀರುತಾ ನಗುತ್ತಿರುವರು

ಎಲ್ಲೇ ಹೋದರು ಸಂತೋಷ ನಿಮ್ಮ ಪಾಲಿಗಿರಲಿ
ಪ್ರತಿ ಹೆಜ್ಜೆಗೂ ನಗೆ ಹೂವು ಅರಳುತ ಶುಭ ಕೋರಲಿ
ನನ್ನ ನೆನಪಿನ ಭುತ್ತಿಲಿ  ನಿಮ್ಮ ಪಾಲು ಎಂದೆಂದಿಗೂ ಇರಲಿ 

ವಿದಾಯ

ಅರಿವಿಲ್ಲದೆ ಹನಿ ಜಾರುತಿಹುದು
ದನಿಯಿಲ್ಲದೆ ಮನ ಬಿಕ್ಕಳಿಸುತಲಿಹುದು
ದೂರವಾಗುವ ದಿನ ಇಂದೇ ಏಕೆ ಬಂದಿಹುದು

ಅಲೆಮಾರಿ ಜೀವನದಲಿ ಊರ ಸೆಲೆ ತಂದವರು 
ತೆಲುಗಿನ ನಡುವೆ ಮತ್ತೆ ತುಳು ಹೊತ್ತು ಬಂದವರು
ಮತ್ತೆ ಭೇಟಿ ಯಾಗುವೆ ಎನ್ನುತ್ತಾ ಮತ್ತೆ ಇಂದು ದೂರ ಸರಿಯುತಿರುವರು,

ಕಳೆದ ಒಂದು ವರುಷದ ಹಲವು ಹರುಷಕೆ ಕಾರಣರಾದವರು
ಇಂದು ಕಣ್ಣೊಳು ಕಂಬನಿ ಬಿರಿಯುತ್ತ ಹೊಸ್ತಿಲಲಿ ನಿಂತಿಹರು
ಒಳಗೆ ಮನ ಅಳುತ್ತಿದ್ದರು ಮುಗುಳ್ನಗೆ ಬೀರುತಾ ನಗುತ್ತಿರುವರು

ಎಲ್ಲೇ ಹೋದರು ಸಂತೋಷ ನಿಮ್ಮ ಪಾಲಿಗಿರಲಿ
ಪ್ರತಿ ಹೆಜ್ಜೆಗೂ ನಗೆ ಹೂವು ಅರಳುತ ಶುಭ ಕೋರಲಿ
ನನ್ನ ನೆನಪಿನ ಭುತ್ತಿಲಿ  ನಿಮ್ಮ ಪಾಲು ಎಂದೆಂದಿಗೂ ಇರಲಿ

ನೆನಪು- ಮೆಲುಕು

ಚಿಟಪಟ ಪಟ ಮಳೆಹನಿ ಪುಟಿದು ಬಾನಿಂದ ಜಾರಿದೆ
ಮನದ ದಡದಲಿ ಪ್ರೀತಿಯಲೆ ಬಡಿದು ನವ ಭಾವ ಜಿನುಗುತಿದೆ
ಕೇಳದ ರಾಗವ ಇಂದು ಮನ ಗುನುಗುನಿಸುತ್ತಿದೆ
ಇಷ್ಟುದಿನ ವಿರದ ಈ ನವ ನೋವು ಇಂದು ಹಿತ ತಂದಿದೆ

ಮೂಡಣದ ಅಂಚಲ್ಲಿ ಮೂಡಿದ ಕಾಮನಬಿಲ್ಲು ನವ ಬಣ್ಣ ತಂದಿದೆ ಕಂಡ ಕನಸಿಗೆ
ಪಡುವಣದಿ ಬಾಗುವ ರವಿಯು ವಾರಿಧಿ ಕೆನ್ನೆಗೆ ಮುತ್ತಿಕ್ಕಿದೆ
ತಣ್ಣನೆಯ ಬೀಸುವ ಗಾಳಿಲಿ ನಿನ್ನ ಮುಂಗುರುಳ ತಳಮಳ ಹೆಚ್ಚಾಗಿದೆ
ಅದ ನೋಡುತ ಸೋತ ನನ್ನೀಮನದ ಕಳವಳ ಅತಿಯಾಗಿದೆ

ಇರುಳಿನ ಪ್ರಭೆ ಶೋಭಿಸಲು ಗೂಡಸೇರಲು ಹೊರಟ ಪಕ್ಷಿಗಳು
ಮರಳಿನ ಆಟ ಮುಗಿಸಿ ಮನೆ ಕಡೆಗೆ ಹೊರಟ ಜೋಡಿ ಹೆಜ್ಜೆಗಳು
ನಿನ್ನೊಂದಿಗಿನ ಆ ವಿಹಾರದ ನೆನಪುಗಳೇ ನನ್ನ ಪ್ರತಿದಿನದ ಮೆಲುಕುಗಳು
ಮರೆಯಾದರು ಮರೆಯಲಾಗದ ಎದೆಯೊಳಗಿನ ಮಧುರ ಪುಳಕಗಳು 

ನಿ-ವೇದನೆ
 ಆಮಂತ್ರಣ ವಿರದ ಹೃದಯದ ಸಡಗರದ ಆಚರಣೆಗೆ ನೀಬರಬೇಕಿದೆ
ಯಾರು ಕೊಡದ ಪ್ರಿತಿಯುಡುಗೊರೆ ನೀನೀಡಬೇಕಿದೆ
ವಸಂತದಿ ಕೋಗಿಲೆ ಬಂದು ಮಾಮರ ಸೇರಿದಂತೆ
ಮರೆತೋದ ಇಂಪಾದದನಿ ಮತ್ತೆ ಕೇಳಿಸಿದಂತೆ

ಯಾರು ಬಂದಿದರದ ಈ ಮನಸಲಿ ನಿನ್ನ ಆಗಮನ ವಾಗಲಿ
ಬರೇ ಪುಳಕ ತುಂಬಿರಲಿ ಮಾತು ಹೊರಡದ ಬಾಯಲಿ
ತೋಳಲಿ ನೀನಿರಲು ಸಂಭ್ರಮದ ಕಂಬನಿ ಜಾರುತಿರಲಿ ಕಣ್ಣಲಿ
ನಿದಿರೆ ಬಾರದ ಕಣ್ಣಿಗೆ ನೀ ಬಾರೆ ಹಗಲು ಕನಸಾಗಿ

ಪ್ರೀತಿಯ ವಿನಿಮಯದ ವ್ಯವಹಾರ ಎಗ್ಗಿಲ್ಲದೆ ನಡೆಯಲಿ
ಯಾರಿರದ ಒಂಟಿ ಗ್ರಾಹಕ-ಧಾರಕ ಸಂತೆಯೋಳು
ಬೆಚ್ಚನೆಯ ಗೂಡಲಿ ಬಚ್ಚಿ ಇಟ್ಟ ಪ್ರೀತಿ ಗುಬ್ಬಿ
ನಿನ್ನ ಹೃದಯ ಗೂಡಿಗೆ  ರೆಕ್ಕೆ ಬಿಚ್ಚಿ ಹಾರಲಿ